Product Owner nədir? Product Owner kimdir və nə iş görür?

Product Owner nədir? Product Owner kimdir və nə iş görür?

Product Owner (PO) — məhsulun biznes dəyərinə cavabdeh olan, müştəri ehtiyacları ilə texniki komanda arasında əlaqə yaradan və məhsulun prioritetlərini müəyyən edən əsas roldur. Product Owner hansı funksiyanın nə vaxt hazırlanacağını qərarlaşdırır və məhsulun bazarda uğur qazanmasına birbaşa təsir edir.

Product Owner nə deməkdir?

Product Owner məhsulun “sahibi” deyil, onun dəyərinə cavabdeh olan şəxsdir. O, “bu funksiya niyə lazımdır?”, “kimin problemini həll edir?” və “biznesə nə qazandırır?” suallarına cavab verir.

Bir çox insan bunun tam olaraq nə dəmək olduğunu bilmir və ya anlamır. Çünki bu rolu çox vaxt Product Manager, Project Manager və ya Business Analyst ilə qarışdırırlar. Amma Product Owner-in funksiyası və məsuliyyəti tam fərqlidir.

‍

Niyə insanlar Product Owner-in nə olduğunu bilmir?

Bunun bir neçə əsas səbəbi var:

• Regionumuzda rol nisbətən yenidir
• Vakansiyalarda yanlış adlandırılır
• Şirkətlər PO-dan həm menecer, həm analitik, həm də layihə rəhbəri kimi istifadə edir
• Agile/Scrum mədəniyyəti tam formalaşmayıb
  ‍

Nəticədə “Product Owner nə edir?” sualı hələ də aktual qalır.

Product Owner nə iş görür?

1. Məhsul viziyasını formalaşdırır
   • Product Owner məhsulun məqsədini, hədəf istifadəçisini və əsas dəyərini müəyyən edir.
2. Product Backlog-u idarə edir
   • User story-lər yazır
   • Prioritetləri biznes dəyərinə görə sıralayır
   • Lazımsız funksiyaları kənarlaşdırır
3. Komanda ilə gündəlik işləyir
   • PO developer və dizaynerlər üçün aydınlıq yaradır, suallara cavab verir və qərarları gecikdirmir.
4. Stakeholder-lərlə balans yaradır
   • Satış, marketinq, rəhbərlik və müştəri gözləntilərini eyni xəttə gətirir.

‍

Product Owner nə etmir?

Product Owner komandanın necə kod yazacağını müəyyən etmir və texniki icra prosesinə birbaşa müdaxilə etmir. O, layihə üzrə vaxt planlamasını və deadline-ların təyin edilməsini tək başına üzərinə götürmür, çünki bu məsuliyyət komandanın və prosesin bir hissəsidir. Product Owner Project Manager rolunu əvəz etmir və layihənin idarə olunmasından çox, məhsulun yaratdığı dəyərə fokuslanır. Eyni zamanda, dizayn və texniki qərarları təkbaşına vermir, bu qərarlar müvafiq mütəxəssislərlə birlikdə formalaşdırılır.

Product Owner hansı sahələrdə çalışır?

Product Owner IT və SaaS məhsullarında, mobil tətbiqlərin hazırlanmasında, e-commerce platformalarında, fintech və edtech layihələrində, eləcə də böyük şirkətlərin korporativ daxili sistemlərində fəaliyyət göstərir. Qısaca desək, harada məhsul varsa, orada Product Owner-ə ehtiyac yaranır.

Azərbaycanda Product Owner vakansiyaları niyə artır?

Azərbaycanda Product Owner vakansiyalarının artmasının əsas səbəbləri arasında rəqəmsallaşma prosesinin sürətlənməsi, startap ekosisteminin genişlənməsi və xarici bazara yönəlmiş məhsulların sayının artması dayanır. Lakin bütün bu inkişaflara baxmayaraq, bazarda real məhsul təcrübəsinə malik Product Owner-lərin sayı hələ də məhduddur.

Product Owner olmaq üçün necə başlamaq olar?

Addım-addım yol xəritəsi

1. Agile və Scrum əsaslarını öyrən
2. User story yazmağı məşq et
3. Mövcud məhsulları analiz et
4. Backlog və prioritetləşdirmə məntiqini öyrən
5. “Bu niyə lazımdır?” sualını vərdiş halına gətir

Ümid edirəm artıq “Product Owner nədir?” və “Nə iş görür?” suallarına cavab tapdınız.