Virtual Assistant nədir? (Google Assistant, Alexa,Siri)

Günümüzdə süni intellekt əsaslı virtual köməkçilər həyatımızın ayrılmaz hissəsinə çevrilib.Google Assistant, Alexa, Siri kimi virtual köməkçilər bizə səsli əmrlərlə məlumat tapmaq, işlərimizi planlaşdırmaq və gündəlik tapşırıqları asanlaşdırmaq imkanı verir. Ancaq bu alətlər yalnız şəxsi istifadəyə aid deyil – bizneslər də bu texnologiyadan maksimum faydalanır.Bu gün sahibkarlar və şirkətlər məhsuldarlığı artırmaq üçün virtual köməkçilərə (VA) müraciət edirlər.Bəs bu köməkçilər bizim yaşam tərzimizə nəcə təsir edir? Onlar arasındakı fərqlər nədir? Bloqda bu suallara cavab alacaqsınız.

Virtual Assistant (VA) – süni intellekt və maşın öyrənməsinə əsaslanan proqramdır. Onlar istifadəçilərin suallarına cavab verir, tapşırıqları yerinə yetirir və ağıllı cihazları idarə edir. VA-lar əsasən səsli və ya mətn əsaslı interfeyslərlə işləyir.

‍
Virtual assistentlərin əsas xüsusiyyətləri:‍

Səsli əmrləri anlamaq və yerinə yetirmək;
Onlayn axtarışlar aparmaq və məlumat təqdim etmək;
Ağıllı ev cihazlarını idarə etmək (işıqlar, termostatlar və s.);
Tapşırıqları planlaşdırmaq (təqvim xatırlatmaları, alarm və s.);
Zəng etmək, mesaj göndərmək və digər kommunikasiya vasitələrini istifadə etmək.

‍

‍

Virtual Assistentlər Harada İstifadə Olunur?

Gündəlik İşlərdə: İnsanlar virtual assistentlərdən hava proqnozu öyrənmək, xatırlatmalar qurmaq və musiqi dinləmək üçün istifadə edirlər.
Biznes və Marketinqdə: Müştəri dəstəyi, chatbot xidmətləri və avtomatlaşdırılmış cavab sistemlərində tətbiq edilir.
E-Ticarət və Sifarişlər: Amazon Alexa ilə məhsul sifariş etmək və ya Siri vasitəsilə onlayn alış-veriş etmək mümkündür.
Ağıllı Ev Sistemlərində: Google Assistant və Alexa, ağıllı ev qurğularını idarə edərək, istifadəçilərə rahatlıq təmin edir.
Tibbi Xidmətlərdə: Virtual köməkçilər xəstə məlumatlarını idarə edə, tibbi suallara cavab verə bilər.

‍

Siri, Alexa və Google Assistant: Ağıllı Köməkçilər

Siri, Alexa və Google Assistant kimi ağıllı köməkçilər, müxtəlif platformalar üzərindən istifadəçilərə rahatlıq və effektivlik təmin edirlər. Hər üç virtual köməkçi fərqli şirkətlər tərəfindən yaradılıb, amma əsas məqsədləri oxşardır: gündəlik həyatımızı asanlaşdırmaq və müxtəlif əməliyyatları səsli əmr vasitəsilə idarə etmək. Lakin hər birinin özünə məxsus xüsusiyyətləri, güclü tərəfləri və istifadəçi təcrübəsinə verdiyi fərqli yanaşmalar var.

‍

Ortak Xüsusiyyətlər

Səsli Əmrlərlə İdarəetmə
Hər üç köməkçi də istifadəçiyə səsli əmrlərlə gündəlik tapşırıqları yerinə yetirməyə imkan verir. İstifadəçilər Siri, Alexa və ya Google Assistant-a "hava necədir?", "alarm qur" və ya "bir mahnı çal" kimi əmrlər verərək cihazlarını idarə edə bilərlər. Bu, cihazın əlverişliliyini artırır və texnologiyaya daha yaxın bir təcrübə təqdim edir.
Çoxfunksionallıq
Müxtəlif funksiyaları yerinə yetirə bilir. İstifadəçilər, məsələn, musiqi dinləmə, hava şəraitini yoxlama, təqvimə baxma və hətta ev avtomatlaşdırma sistemlərini idarə etmə kimi əmrləri hər bir köməkçiyə verə bilərlər. Həmçinin, bu köməkçilər cihazlar arasında əlaqə qurur və müxtəlif tətbiqləri inteqrasiya edir.
‍
Davamlı İnkişaf
Siri, Alexa və Google Assistant hər biri süni intellekt (AI) və maşın öyrənmə texnologiyalarından istifadə edir. Bu, onların zamanla daha ağıllı və fərdi hala gəlməsinə imkan verir. Hər bir köməkçi istifadəçinin üstünlük və vərdişlərini öyrənərək, daha uyğun və dəqiq cavablar verir.

‍

‍

Fərqli Xüsusiyyətlər

Siri: Apple Ekosistemində Səmərəli İnteqrasiya
Siri, iPhone, iPad, Mac, Apple Watch və HomePod kimi Apple cihazlarlı ilə sıx bir şəkildə inteqrasiya edir. Siri, Apple cihazlarının istifadəsini asanlaşdırır və xüsusilə Apple ekosistemində olan istifadəçilər üçün ideal seçimdir.
Alexa: Amazon Ekosisteminə Güclü Bağlantı
Alexa, Amazon-un məhsulları ilə sıx bağlıdır. Alexa, Amazon Echo cihazlarında əla işləyir və Amazon Prime xidmətləri ilə güclü bir əlaqəyə malikdir. Amazon-un ticarət və alış-veriş platformasına inteqrasiya olunmuş olması, istifadəçilərin məhsulları səsli əmrlə almağa imkan verir. Alexa həmçinin geniş "Alexa Skills" kitabxanasına malikdir, bu da üçüncü tərəf tətbiqlərinin inteqrasiyasını asanlaşdırır.
‍
Google AssistantGoogle Assistant, Google xidmətləri ilə mükəmməl uyğunlaşır. Google Search, Gmail, Google Maps və YouTube kimi tətbiqlər ilə inteqrasiya olunmuşdur. Bu, Google Assistant-ı daha güclü və dəqiq edir, çünki istifadəçilər Google məlumatlarına daha rahat və sürətli şəkildə çıxış əldə edə bilirlər. Google Assistant həmçinin, Google Translate vasitəsilə bir çox dili dəstəkləyərək çoxdilli istifadəçilər üçün faydalıdır.

‍

İnteqrasiya və İstifadə Sahəsi

Siri yalnız Apple cihazları ilə istifadə oluna bilər və Apple ekosistemində ən yaxşı təcrübəni təqdim edir. iOS və macOS platformaları ilə birbaşa əlaqəli olan Siri, istifadəçilər üçün daha səlis və fərdiləşdirilmiş bir təcrübə təqdim edir.
Alexa, Amazon-un Echo cihazları ilə çox güclü bir inteqrasiyaya sahibdir. Alexa, həmçinin digər ev avtomatlaşdırma cihazları və üçüncü tərəf tətbiqləri ilə əlaqə quraraq, daha geniş istifadə sahəsi təklif edir.
Google Assistant ən yaxşı nəticəni Google cihazları ilə təmin edir. Həmçinin Android istifadəçiləri üçün Google Assistant, Google xidmətləri ilə yüksək səviyyədə inteqrasiya olunur və cihazlar arasında məlumat paylaşımını asanlaşdırır.

‍

Səsli Köməkçilərin Gündəlik Həyatdakı Rolu

Vaxta Qənaət: Təqvimi idarə etmək, xatırlatmalar təyin etmək, mesajlar göndərmək kimi funksiyalar səyimizi azaldaraq vaxtımızı səmərəli istifadə etməyimizə kömək edir.
Ağıllı Ev Texnologiyaları: Səsli köməkçilər vasitəsilə evi idarə etmək artıq çox asandır. Məsələn, "Alexa, işıqları söndür!" dəyərək evi rahatlıqla idarə edə bilərik.
Fərdi Asistan Funksiyaları: Gündəlik hava durumu, yol vəziyyəti, yaxın məkanlar haqqında məlumat almaq səsli köməkçilər vasitəsilə daha da rahat olur.

‍

Tools