2 Saniyədən Başlayan Hekayə

Texnologiyanın inkişafı ilə kino və videosahəsi hər dövrdə öz inqilabını yaşayıb. Bugün süni intellektlə video yaratma mərhələsini izləyirik və bu, 100 ildən çox əvvəl baş verən ilk kinematoqrafiya təcrübələrini xatırladır.

‍

‍

‍

İlk Video Çəkilişlər (1888–1895)

“RoundhayGarden Scene” (1888) – Louis Le Prince tərəfindən çəkilmiş və dövrümüzə qədər qorunub qalmış ən qədim video.

‍
Uzunluğu: cəmi 2 saniyə.
Görüntü: sadəcə bağçada gəzən dörd nəfər.

Bundan 7 il sonra Lumière qardaşlarının “WorkersLeaving the Factory” (1895) filmi çəkildi.
Uzunluğu: 46 saniyə.

‍
Bu, o dövr üçün inanılmaz dərəcədə uzun və tamaşaçılar üçün heyrətamiz bir kino səhnə idi.

‍

O vaxtın limitləri çox sərt idi:

• Texnologiya saniyələrlə ölçülən çəkilişlərə imkan verirdi.
• Lentlərin tutumu çox az idi.
• Rejissorlar bütün hekayəni bir neçə saniyəyə sığışdırmaq məcburiyyətində qalırdılar.

‍

‍

Yeni Dövrün Başlanğıcı: AI Videolar(2022 → …)

‍

Təxminən 2 ildir ki, süni intellektlə video yaratmaq mümkündür.

‍
Texnologiya hələ çox erkən mərhələdədir:

• Hazırda videoların uzunluğu əsasən 5–15 saniyə ilə məhdudlaşır.
• Vizual dəqiqlik hələ tam sabit deyil.
• Hər ay yeni modellər çıxdıqca imkanlar bir az da genişlənir.

👉 Əslində bu mərhələni 1888-ci ildəki ilk 2 saniyəlik video ilə müqayisə etmək olar. O vaxt da hamı düşünürdü: “Bu, nə üçündür?” — amma həmin qısa kadrlar kino sənayesinin əsası oldu.

‍

‍

Gələcəyin Səhnəsi

Bugün AI videoları hələ “ilk addımlarını”atır. Amma bir şey dəqiqdir:
‍
Necəki, 2 saniyəlik “Roundhay Garden Scene” gələcək kino tarixinin başlanğıcı oldu,bu gün yaratdığımız 10 saniyəlik AI videoları da gələcəyin yeni kino dilini formalaşdırır.
‍

Süni intellekt videoları işimizi əlimizdən almayacaq. Əksinə, yaradıcılığın sərhədlərini genişləndirəcək və bəlkə də 2-3 il sonra kinonu tamamilə başqa bir formada izləyəcəyik.

‍