Value Rules Nədir?

Value Rules –reklam kampaniyalarını biznes dəyərinə görə optimizə etməyə imkan verən bir alətdir. Bu funksiya reklam verənə deyir: “Hansı auditoriya mənim üçün daha dəyərlidir” və alqoritm buna uyğun bid dəyərlərini artırır və ya azaldır.

‍

Marketinq sahəsində illərin təcrübəsi göstərir ki, reklam dünyası hər 5-10 ildən bir özünü yenidən ixtira edir. Lakin son illərdə gördüyümüz transformasiya və süni intellekt ilə birlikdə, tamamilə yeni bir mərhələdir. Meta-nın təqdim etdiyi Value Rules funksiyası da bu dönüşümün ən önəmli alətlərindən biridir.

Məsələn:

• 25-44     yaş aralığındakı kişilərin ömürlük dəyəri daha çoxdursa → bu qrupa +60% bid tətbiq edin.
• 18-24     yaşlı qadınlar daha az alış edirsə → bu qrupa −20% bid tətbiq edin

‍

Bu yanaşma ilə reklam büdcəsi daha ağıllı şəkildə istifadə olunur.

‍

‍

Niyə bu qədər önəmlidir?

Əvvəllər reklam alətləri əsasən kütləvi hədəflənmə ilə işləyirdi. Daha sonra lookalike və custom audience kimi alətlər əlavəolundu. İndi isə Value Rules ilə real biznes dəyərinə əsaslanan optimizasiya etmək mümkündür.

Bu nə deməkdir? Artıq sadəcə klik və ya baxış sayı ilə ölçmək kifayət deyil. Əsas məsələ kim daha çox dəyər gətirir sualına cavab tapmaqdır. Meta Value Rules bu cavabı alqoritm səviyyəsində tətbiq etməyə imkan verir.

‍

Necə işləyir?

• Hər "Rule" maksimum 2 kriteriya ilə qurula bilər (məsələn: yaş + cins).
• Maksimum 10 "Rule" əlavə etmək mümkündür.
• Əgər qaydalar arasında üst-üstə düşmə varsa, yalnız ilk uyğun gələn qayda işləyir.
• Nəticələri Ads Manager-də ayrıca “Breakdown by Value Rule” bölməsindən izləmək mümkündür.

‍

Bu sadə görünən mexanizm əslində çox dərin optimizasiya imkanı yaradır.

‍

‍

Real həyat nümunəsi

Tutaq ki, bir onlayn geyim mağazası idarə olunur:

• Analiz göstərir ki, 30-40 yaşlı qadın müştərilər daha çox premium məhsul alır və orta alış səbəti 150 AZN-dir.
• 18-24     yaşlı gənclər isə əsasən endirimli məhsulları seçir və orta alış səbəti 50 AZN-dir.

Bu halda belə bir "Rule" qurmaq olar:

• 30-40     yaş qadınlara +40% bid
• 18-24     yaş gənclərə −15% bid

‍

Nəticədə büdcə ən çox gəlir gətirən auditoriyaya yönəlmiş olur.

‍

Üstünlüklər

• ROI artır – hər dollar daha ağıllı xərclənir.
• Effektiv  büdcə idarəsi – kampaniyaları bölmək əvəzinə, bir yerdə optimizasiya.
• Avtomatlaşdırılmış  nəzarət – alqoritm biznes prioritetlərini nəzərə alır.

Çatışmazlıqlar

• CPC arta bilər – çünki yüksək dəyərli auditoriyaya daha çox bid veriləcək.
• Yanlış analiz riski – əgər düzgün seqmentlər seçilməsə, nəticələr mənfi ola bilər.

‍

Gələcəyin istiqaməti

Value Rules yalnız bir başlanğıcdır. Yaxın illərdə süni intellektlə inteqrasiya olunmuş daha fərdi qaydalar görünəcək. Hər yeni texnologiya əvvəlcə çətin görünsə də, düzgün tətbiq edildikdə bazarda rəqabə üstünlüyü yaradır.

Əgər hələ də impression sayına fokuslanırsınızsa, artıq zaman dəyişib. İndi əsas sual budur: “Kim biznesim üçün daha dəyərlidir?” və cavabı Value Rules ilə tapmaq mümkündür.

‍