Süni intellektin rəqəmsal marketinqə təsiri

Süni intellektin rəqəmsal marketinqə təsiri varmı?

‍

Midjourney və ChatGPT kimi Aİ-lar istər dünyada, istərsə də Azərbaycanda ciddi müzakirələrə gətirib çıxarıb. Hazırda bu sahədə onillərlə təcrübəsi olan ekspertlər belə Aİ-nın gələcək istifadəsi ilə bağlı fikir ayrılığına düşüblər. Bəlli olan cəmi bir şey var, Aİ artıq dünyamızı dəyişib və dəyişməyə davam edəcək. Bu bloqumda Aİ-nin dünyamıza necə təsir etdiyindən və gələcəkdə nələri dəyişə biləcəyindən bəhs edəcəyəm.

‍

Süni intellekt son illərdə

‍

Son bir neçə ildə biz texnologiyanın insan həyatına çox sürətlə təsir etdiyinin şahidi olduq. Təkcə 2017-ci ildəki irəliləyişlərə nəzər salaq – özü idarə olunan avtomobillər yollara çıxdı, evləri ağıllı texnologiya ilə təmin edən yeni sistemlər meydana gəldi, insanlarla ünsiyyət quraraq onların nə istədiyini başa düşüb həll yolları təklif edən ünsiyyət vasitələri quruldu.

‍

Süni intellekt bir müddətdir ki, trend mövzusudur – aydındır ki, maşın öyrənməsi və süni intellekt (AI) bir çox sahədə əhəmiyyətli sıçrayış yaradacaq.

‍

Dünyada milyonlarla insanın evlərində Amazon Alexa cihazları və Netflix abunəçiləri var. Süni intellekt artıq mücərrəd bir fikir deyil, o, milyonlarla istehlakçı tərəfindən hər gün istifadə olunur. Netflix istifadəçilərinin ən yaxşı baxış təcrübəsi əldə etmələrini təmin etmək üçün Aİ və Maşın öyrənməsindən istifadə edir, Alexa sizin üçün demək olar ki, hər şeyi edə bilər. İstər smartfonunuz, istər avtomobiliniz, istər bankınız, istərsə də eviniz olsun – siz gündəlik olaraq süni intellektdən istifadə edirsiniz.

‍

‍

‍

Süni intellekt və rəqəmsal marketinq

‍

Rəqəmsal marketinq sahəsi süni intellektin istifadəsi üçün mükəmməl bir sektordur, çünki orada çoxlu məlumatlar var və məlumatlarla işləmək Aİ-nin ən yaxşı işidir. Süni intellekt inkişaf etdikcə məlumat tələb edən istənilən işi yerinə yetirə biləcək. 

‍

Süni intellektin rəqəmsal marketinq sahəsinə təsirini isə ikitərəfli başa düşə bilərik. Bir tərəfdən, Aİ sadə və ümumi məlumatları daha əlçatan edərək rəqəmsal marketinq sahəsində çalışan şəxslərin işini daha da asanlaşdıracaq və onların axtarış və analizə sərf etdikləri vaxta qənaət etməsinə gətirib çıxaracaq. Bu, marketoloqlara öz səylərində daha səmərəli və təsirli olmağa kömək edə bilər.

‍

Digər tərəfdən, süni intellektin nəticədə insan kapitalını tamamilə əvəz edə biləcəyi ilə bağlı narahatlıqlar var. Süni intellekt texnologiyası daha da təkmilləşdikcə və daha mürəkkəb tapşırıqların öhdəsindən gələ bildikcə, onun əvvəllər insanlar tərəfindən görülən işləri öz üzərinə götürməsi riski var. 

‍

Bununla belə, reallıq budur ki, süni intellekt bu sahədə çalışanların əməyini tamamilə əvəz etməkdənsə, onların rollarını daha da artıra bilər. Süni intellekt müəyyən tapşırıqları avtomatlaşdıra və fikirlər verə bilsə də, hələ də insanların malik olduğu yaradıcılıq və emosional intellektdən məhrumdur. İnsanlar hələ də strateji qərarlar qəbul etmək, yeni ideyalar irəli sürmək və insan davranışlarını anlamaq üçün iş yerlərinin vacib kapitalıdır.

‍

Süni intellekt rəqəmsal marketinq dünyasında marketinq kampaniyalarını sadələşdirə və optimallaşdıra bilər. O, həmçinin insan səhvi ehtimalını azalda bilər. Rəqəmsal marketinq sektorunun çox hissəsi hələ də insan yaradıcılığına arxalansa da, AI proqramı yalnız məlumatlardan istifadə edərək hesabat hazırlaya bilər. Bununla belə, müştərilərinizlə düzgün əlaqə saxlamaq üçün şəxsi toxunuş hələ də tələb olunur.

‍

Üstəlik, süni intellekt insanlara məlumatların təhlili əsasında daha yaxşı qərarlar qəbul etməkdə kömək edir, yəni Aİ internetdə mövcud olan məlumatları araşdırır və sizin sorğunuza ən uyğun nəticələri birləşdirərək sizə təqdim edir. Lakin hələ də rəqəmsal marketinq sahəsində həlledici olan konteksti, mədəniyyəti və insan emosiyalarını anlamaq qabiliyyətinə malik deyil. Buna görə də, insan kapitalının gələcək iş bazarına daha çox dəyər qatmaq üçün öz bacarıqlarını artıraraq Aİ ilə işləməyi öyrənməsi vacibdir.

‍

‍

Aİ-nin dizayner, kopirayter və məzmun yaradıcılarına 5 təsiri

‍

‍

1.   İşlərin avtomatlaşdırılması

Süni intellekt alətləri tədqiqat aparmaq, başlıq yazmaq və məzmun yaratmaq kimi tapşırıqları avtomatlaşdıra bilir. Bu da məzmun və dizaynların yaradılması prosesini daha səmərəli edir.

‍

2.  Səmərəliliyin artması

Aİ ilə işləyən alətlər böyük həcmdə məlumatları təhlil edərək yazıçılara və dizaynerlərə daha effektiv və hədəflənmiş məzmun yaratmağa kömək edən fikirlər təqdim edir. Məsələn, süni intellekt yazıçılara ən populyar mövzuları və açar sözləri müəyyən etməyə, müxtəlif auditoriyaların xüsusiyyətlərini anlamağa kömək edir. Bu, yazıçılara və dizaynerlərə hədəf auditoriyaları üçün daha keyfiyyətli məzmun yaratmağa kömək edəcək.

‍

3.  Fərdiləşdirmə

Süni intellekt xüsusi auditoriyaya uyğun məzmun və dizaynlar yaratmaq üçün fərdiləşdirilmiş məlumatlardan istifadə edir. Məsələn, istifadəçinin baxış tarixçəsi, demoqrafiyası və maraqları əsasında e-poçt kampaniyalarını, sosial media yazılarını və veb səhifələri fərdiləşdirməyə kömək edir.

‍

4.  İdeyaların artırılması

Aİ yazıçılara və dizaynerlərə yeni və unikal ideyalar irəli sürməyə və özlərini ifadə etməyin yeni yollarını tapmağa kömək edir. Məsələn, süni intellekt yazıçı və ya dizaynerin öz ağlına gəlməyən yeni hekayə ideyaları, başlıqlar və vizual konsepsiyalar yaratmaq üçün ideyalar verir.

‍

5.  Yeni iş imkanları

Süni intellekt həmçinin süni intellektlə işləyən məzmun yaradılması, məlumatların təhlili və dizayn kimi sahələrdə yeni iş yerləri yarada bilər. Məsələn, elmi araşdırmalar və maşın öyrənməsi sahəsində bacarıqları olan insanlara süni intellektlə işləyən məzmun və dizayn alətlərini inkişaf etdirmək və optimallaşdırmaq üçün yüksək tələbat olacaq.

‍

Ümumilikdə, Aİ-nin müxtəlif sahələrə təsiri süni intellektin xüsusi tətbiqindən və sənayenin bu yeni texnologiyaları yaratmaq istəyindən asılı olsa da, bu sahədə dəyişiklik olacağı qaçılmazdır.

‍

‍

Oxuduğunuz üçün təşəkkür edirik. Suallarınızı və fikirlərinizi bölüşməyi unutmayın, onlar bizim üçün çox önəmlidir.

‍

Metanın yeni gətirdiyi özəllikləri öyrənmək üçün bura, Rəqəmsal Marketinq haqqında məlumat almaq üçün isə bura keçid edə bilərsiniz